“Түркістанды көргім келеді”

Қымбатты оқырман! 1 тамыз күні «Түркістанды көргім келеді» жобасының дауыс беру кезеңі аяқталды. 22 үміткердің арасынан үздік шыққан 5 қатысушы келесі кезеңге жолдама алды. Олар – Түркия, Өзбекстан және еліміздің бірнеше қаласынан.
1. Рақымжан Қалдыкөз – 11.13% Түркия (Анкара қаласы)
2. Алмат Игілік -10.62% Нұрсұлтан қаласы.
3. Фурхатжон Бегматов – 10.31% Өзбекстан Республикасы
4. Мақжан Болатбекұлы – 9.70% Түркістан обл. Бәйдібек ауд. Шақпақ ауылы
5. Гульнар Разуанова – 4.29% Ақтау қаласы.
Қалың көрерменнің қолдауына ие болған бес қатысушы Түркістанға келіп(14-15-16 тамыз) 3 күн бойы тарихи-мәдени және туристік нысандарды аралап, видео ролик әзірлейді. Ең үздік қысқа метражды роликті комиссия құрамы анықтап, жеңімпаздарды арнайы жүлдемен марапаттайды.
Ескерту: Дауыс беру кезеңінде үздік бестікке кірген (10.15% 970 дауыс жинаған) қатысушы Алан Стиеннон (Бельгия) отбасылық жағдайына байланысты байқауды жалғастыра алмайтын болды. Комиссияның шешімімен дауыс жинау көрсеткіші жоғары болған үміткерге жолдама берілді.